Luis Alberto ka provuar të luajë me disa yje në karrierën e tij dhe së fundmi në një intervistë për mediet italiane ai ka treguar rreth më të mirit, që ka pasur në skuadër dhe më të mirit, që ka pasur si kundërshtar.
Mesfushori i Lazios, që në dy sezonet e fundit është shndërruar në një mes më të mirëve në Europë zgjedh Suarez si ish-shokun më të mirë të ekipit dhe Messin si kundërshtarin më të frikshëm.
“Kam luajtur me shumë lojtarë të mirë si Gerrard, Coutinho, Sterling, por Luis Suarez është më lart të gjithëve. Ai ishte i çmendur. Më i miri, ndaj të cilit kam luajtur është Messi, kjo është zgjedhje e lehtë.
Gjithmonë e kam preferuar Leon në krahasim me Ronaldon, por ai është gjithashtu mbresëlënës. Askush nuk e ka bërë atë, që bënë ata të dy”, u shpreh Alberto. /abcnews.al
