Amerikën pak orë e ndajnë nga betimi i Presidentit Joe Biden, ndërsa Donald Trump ka mbajtur një fjalim të shkurtër që duket se nuk ishte lamtumire, pasi dërgoi disa mesazhe të qarta se nuk është dorëzuar dhe se “lufta” do të vijojë.
“Tani, ndërsa jam duke u përgatitur t’i dorëzoj pushtetin një administrate të re, dua që ju të dini që lëvizja që kemi filluar është në fillimet e saj. Lëvizja jonë është vetëm në fillim” tha ai, ndërsa në të njëjtën kohë mbrojti politikat e tij, duke thënë se gjatë mandatit të tij ai nuk provokoi asnjë luftë.
“Unë jam shumë krenar sepse isha presidenti i parë në dekada që nuk fillova një luftë të re” shtoi ai. “Një administratë e re po betohet dhe ne lutemi për suksesin e saj në ruajtjen e sigurisë dhe prosperitetit amerikan” tha më tej Trump.
“Ne kemi riaktivizuar aleancat tona dhe kemi bashkuar kombet për t’u përballur me Kinën si kurrë më parë” tha në vazhdim manjati republikan në fjalën e tij./ db/Abcnews.al
