Në një konferencë për shtyp në Berlin, pas takimit me kryeministrin e Bosnje Hercegovinës Zidvic, kancelarja gjermane Angela Merkel u shpreh ndër të tjera, se nuk do të ketë ndryshim kufijsh në Ballkanin perëndimor. Mediat kosovare citojnë edhe kryeministrin boshnjak, i cili u shpreh se të gjitha vendet e Ballkanit Perëndimor, kanë perspektivë dhe mbështetje nga shteti i Gjermanisë.
Duke folur për gazetarët kancelarja gjermane tha se ka tendenca të caktuara në Ballkanin Perëndimor dhe se po flitet për rivendosje të kufijve, gjë e cila, sipas mendimit të saj, nuk mund të bëhet. /abcnews.al
