Manchester United pritet të jetë skuadra më aktive në merkaton e janarit, pasi “Djajtë e Kuq” po vuajnë shumë këtë sezon. Bordi drejtues i ekipit anglez nuk kursehet aspak kur vjen puna te shpenzimet dhe e njëjta gjë, pritet të jetë dhe këtë muaj.
Bruno Fernandes është një dëshirë e vjetër e Manchester United dhe duket se këtë muaj janar, më në fund do të arrijnë te firma e tij. Mediet britanike janë të bindura për afrimin e fantazistit portugez dhe për të mbledhur fonde për këtë transferim, do të largohen dy futbollistë.
Mesfushori Jesse Lingard dhe mbrojtësi Marcos Rojo kanë bërë gati valixhet. Nga shitja e dy futbollistëve, United pretendon të arkëtojë 50 milionë euro, por ende nuk ka oferta konkrete të kënaqshme për drejtuesit e “Djajve të Kuq”./abcnews.al
