Mërgim Berisha do të lërë Salzburg brenda pak ditëve, për t’u transferuar në Holandë. Ky është lajmi i fundit që vjen nga mediet austriake. Sulmuesi anësor do të bëhet pjesë e gjigantëve të PSV Eindhoven në Eredivise.
23-vjeçari me origjinë shqiptare, i lindur në Gjermani ka edhe një vit kontratë me austriakët. Ai nuk pranon të rinovojë dhe klubi në pronësi të kompanisë Red Bull e nxori në shitje dhe PSV arriti të përfitojë.
Marrëveshja është në hapat e fundit dhe shpejt do kemi “tym të bardhë”. Vlera e Berishës në merkato është 10 milionë euro. Qendërsulmuesi shkon te PSV për të mbuluar hapësirën e lënë bosh nga Donyell Malen, që kaloi te Borussia Dortmund. /abcnews.al
