Disa e trajtojmë dhimbjen e tyre mendore me para, duke mos u shqetësuar se do të shpenzojnë më shumë se sa fitojnë. Të tjerët i shohin financat si një lojë ose një investim. Çfarë tregon për ju mënyra se si i shpenzoni paratë?
Konsumator i madh
Nëse ju pëlqen të bëni pazar dhe të shpenzoni para për veten dhe të tjerët, ju jeni në këtë kategori. Konsumatori i madh nuk e ka problem të nxjerrë para ose kartën nëse blerja i duket e drejtë. Ju e shikoni paranë si një objekt që do t’ju sjellë kënaqësi juve dhe të tjerëve.
Ju e shijoni jetën dhe atë që ju ofron. Ju ndodh gjithashtu të shpenzoni shumë për atë që nuk ju nevojitet nëse jeni të trishtuar ose të mërzitur. Disa nga konsumatorët e mëdhenj mund të jenë të varur nga blerjet dhe të mos mendojnë se sa para kanë në dispozicion.
Koprrac
Njerëz të tillë duan të kursejnë para me çdo kusht. Nëse jeni në atë kategori, me siguri po ndiqni nga afër çdo monedhë që del nga portofoli juaj. Jeni të kujdesshëm me financat dhe keni gjithmonë një stok “për ditët e errëta”.
Njerëz si ju nuk kanë borxhe dhe nuk marrin hua. Në ju ekziston një frikë se sado i kursyer të jeni, nuk është kurrë e mjaftueshme. Kjo do të thotë që me siguri po privoni veten dhe të dashurit tuaj nga ajo që dëshironi dhe madje edhe ajo që ju nevojitet.
Të etur për siguri
Njerëz të tillë kontrollojnë vazhdimisht gjendjen e tyre financiare. Pra, nëse e njihni veten, do të thotë se keni mall për sigurinë që ofron paraja. Nuk është e vështirë për ju të shpenzoni para si koprrac, por ju merrni kohë të mjaftueshme për të menduar se çfarë po blini dhe për të krahasuar çmimet, veçanërisht nëse është një blerje e madhe.
Është shumë e rëndësishme për ju që të keni një fond për ditët e krizës. Me këtë mënyrë të menduari, ndoshta nuk do ta gjeni veten në vështirësi financiare, por mund të fiksoheni për të kontrolluar vazhdimisht situatën tuaj financiare.
Idealist
Ky lloj i njerëzve i konsideron paratë dhe konsumizmin si shkaktar të shumë problemeve në botë. Nëse jeni i tillë, do të thotë që ndoshta jeni krijues dhe paratë janë një e keqe e domosdoshme në jetën tuaj dhe jo prioritet.
Keni tendencë të neglizhoni financat tuaja dhe të merreni me to vetëm shkurt, kur është e nevojshme, si për shembull kur paguani faturat. Ju dini të shijoni gjërat e vogla në jetë si perëndimi i diellit apo shikimi i një filmi të mirë dhe nuk mendoni se si mund të kreditohen paratë për shumë gjëra të bukura në jetë. Kjo mënyrë e të menduarit mund t’ju sjellë lehtësisht në telashe financiare. abcnews.al
