Loading ...
Kryeministrja italiane, Giorgia Meloni planifikon të udhëtojë në Kiev të hënën për të takuar presidentin ukrainas Volodymyr Zelenskyy, raporton Reuters. Meloni, e cila mori detyrën në tetor, ka thënë se ka në plan të vizitojë Kievin përpara 24 shkurtit, një vit pasi Rusia nisi sulmin ndaj Ukrainës.
Megjithë fërkimet për këtë çështje brenda koalicionit të saj qeverisës të krahut të djathtë, Meloni ka qenë një mbështetëse e Ukrainës. Meloni dhe Zelensky u takuan kohët e fundit në samitin e BE-së në Bruksel më 9 shkurt gjatë udhëtimit të dytë ndërkombëtar të liderit ukrainas./abcnews.al
