Kryeministrja italiane Giorgia Meloni tha se ajo do të vazhdojë të mbështesë trupat ukrainase, por është e vetëdijshme për zvogëlimin e mbështetjes publike, pasi ushtritë perëndimore paralajmëruan për varfërimin e rezervave të municioneve për t’i dërguar në Kiev.
“Ne kemi qëndruar gjithmonë pranë Ukrainës dhe kjo është ajo që ne do të vazhdojmë të bëjmë, qartësisht në përputhje me, nga njëra anë kërkesat që vijnë, dhe nga ana tjetër, nevojën për të mos minuar apo komprometuar sigurinë tone,” tha ajo.
Italia ka qenë një mbështetëse e palëkundur e Ukrainës, duke miratuar deri më tani gjashtë paketa ushtarake dhe mbi 165 milionë euro ndihmë humanitare.
“Është e qartë se lufta gjeneron pasoja që ndikojnë shumë në shoqërinë tonë dhe nëse nuk jemi të mirë në përballimin e tyre, ndërsa opinioni publik do të vazhdojë të dobësohet,” paralajmëroi Meloni.
/abcnews.al
