Pasditen e sotme në Itali është aksidentuar me makinë një shqiptar. 26-vjeçari ishte duke udhëtuar me “Peugeot” ku doli nga rruga duke u përplasur me bordurat mbrojtëse në Ascoli.
Si pasojë e shpejtësisë me të cilën po lëvizte përplasja në momentin që doli nga rruga ishte mjaft e fortë duke i shkaktuar disa plagë.
Nisur nga gjendja kritike, 26-vjeçari u transportua me shpejtësi me helikopter drejt spitalit për të marrë ndihmë. Mediat italiane raportojnë se i riu ndodhet në reanimacion në kujdesin e mjekëve. /db/Abcnews.al
