Më në fund, e kaluara mbeti prapa.
Nedim Bajrami nisi etapën e re në karrierë te Glasgow Rangers në Skoci, dhe zhvilloi seancën e parë stërvitore.
U desh të kalonin disa ditë nga transferimi i tij nga Sassuolo në Itali, dhe kjo sepse mesfushori ishte i angazhuar me Kombëtaren shqiptare.
Rangers luan këtë të diel në Scottich Premiership në fushën e Dundee United, e padyshim që “ylli” i Kombëtares “kuqezi” do të donte të luante.
“Unë jam gati, por I takon trajnerit që të vendosë nëse unë do të luaj apo jo. Kam qenë me kombëtaren dhe them se jam gati. Unë jam lojtar ofensiv, më pëlqen të jap asiste, por edhe të shënoj. Mund të luaj edhe në krah të majtë, por më shumë më përshtatet roli me numrin 10. Së pari dua që të përshtatem sa më shpejt me ekipin. Të përmirësohe. Synimi im është që të fitoj trofe, të jap maksimumin, të kemi sukses edhe në Europa League”,- u shpreh Bajrami pas stërvitjes së parë me skocezët
Nuk dihet nëse Glasgow Rangers do të arrijë të lerë pas sezonin e vështirë të kaluar, kur Celticfitoi titullin për herë të tretë radhazi. /i.m /abcnews.al
