Sheshi “Shtraus” në një ndër zonat e populluara të Tiranës në një ditë normale do të ishte i mbushur me të moshuar.
Të martën paradite vizitorë të tij ishin efektivët e Forcave të Armatosura që i kërkonin të largohej në shtëpi kujtdo që tentonte të pushonte në këtë hapësirë publike.
Ndërkohë qytetarët vijonin të qëndronin në radhë për të paguar faturat e energjisë elektrike apo ujit.
“Për të paguar dritat edhe ujin, 10 minuta kam këtu”.
Ashtu si në këtë zyrë postare dhe bankën e nivelit të dytë pranë qytetarët presin të marrin shërbim.
“Do marrim rrogën e luftës, nuk kam shumë që qendroj në radhë”.
Ndryshe nga këto dy njësi shërbimi ku qyetarët respktojnë distancën dhe përgjithësisht janë të pajisur me maska dhe doreza paraqitet situata në filialin e kësaj banke.
Më të rrallë janë personat në pritje jashtë farmacive.
Zgjatja e fashës orare për të bërë blerje deri në orën 17 e 30 sipas shitësve ka rralluar grumbullimet e njërzve pranë dyqaneve të fruta- perimeve apo atyre të bukës.
Ndërkohë që qytetarët të cilët lëviznin në rrugë praditen e të martës ishin më pak në numër se ditët e shkuara automjetët në qarkullim ishin shtuar. /abcnews.al
