E çuditshme, por e vërtetë. Seksi desh e futi në telashe të mëdha boksieren Virginia Fuchs, e cila ka qenë së fundmi kapitene e ekipit olimpik të Shteteve të Bashkuara të Amerikës. Boksierja ishte testuar në muajin shkurt dhe i ishin zbuluar dy substanca të ndaluara.
Vetë Fuchs, një muaj ma pas e komunikoi diçka të tillë. Tashmë ka dalë me një qëndrim edhe Agjencia e Anti-Dopingut të Shteteve të Bashkuara të Amerikës (USADA), që ka bërë të qartë se substancat e ndaluara boksierja i kishte marrë nga kryerja e marrëdhënieve seksuale me të dashurin e saj.
Niveli i substancave ishte i ulët dhe që mund të transmetohet pikërisht përmes seksit. Kështu Virginia nuk do të dënohet dhe mund të përgatitet për t’u kualifikuar në Olimpiadën e Tokios, në vitin 2021. Boksierja 32-vjeçare ka bërë edhe një koment të shkurtër në Twitter.
“Ky ka qenë një mësim i madh për mua. Tani që mbaroi gjithçka, jam plotësisht e e përqendruar në përgatitjet për Olimpiadën e Tokios”, shkruan mes të tjerash Virginia Fuchs. /abcnews.al
I’m relieved that once USADA completed an extensive investigation, they found that my case was unique and therefore gave me a No Fault ruling, allowing me to return to competition. This has been a huge lesson for me and now that is over, I’m fully focused on preparing for Tokyo.
— Ginny Fuchs (@GinnyFuchsUSA) June 11, 2020
