“Më 28 Nëntor flamuri shqiptar do të ngrihet në Serbi”, darkë mes Ramës dhe Vuçiçit te “Kosherja”

Katër netë më parë, presidenti serb Aleksandër Vuçiç organizoi një darkë, ku ftoi kryeministrin e Shqipërisë Edi Rama, malazezin Zdravko Krivokapiç dhe zv/ kryeministrin e Maqedonisë së Veriut, Nikola Dimitrov.

Ky moment është sjellë edhe në skenën e spektaklit të humorit “Kosherja”, ku aktorët kanë improvizuar një darkë mes Vuçiçit dhe Ramës. Ata madje kanë përshëndetur njëri-tjetrin dhe me nga një këngë shqiptare dhe serbe.

Në një çast gjatë bisedës, Rama i “Kosheres” i ka treguar Vuçiçit dëshirat e tij të momentit.

“E di si e imagjinoi unë ‘Ballkanin e Hapur’? Sikur ti më 28 Nëntor për nder të Ismail Qemalit ngre flamurin shqiptar në Serbi, kurse ne fusim serbishten gjuhë të dytë në shkollë”, tha kryeministri i Shqipërisë, duke shkaktuar edhe shumë ovacione në sallë.l.k/abcnews.al