Presidenti i UFC-së, Dana White, ka dhënë një lajm jo të mirë për fansat e sportit të arteve marciale, pasi ka thënë që Conor McGregor, ylli i këtij sporti, nuk do të ndeshet. Kjo për shkak se luftëtari irlandez kërkon shumë para për t’u ndeshur në Oktagon, por duke parë krizën financiare që ka shkaktuar Koronavirus, organizata UFC nuk mund ta përballojë.
“Conor nuk e ul kurrsesi çmimin e tij për t’u ndeshur. Nuk e di, kanë TV në shtëpi këta sportistë? I shohin lajmet? Nuk do të ulem këtu dhe të them që gjithçka është OK, pasi nuk është e vërtetë. Jam munduar të jem i gatshëm për çdo goditje financiare, por ka qenë e vështirë. Kështu që nuk mendoj se Conor do të ndeshet”, u shpreh White.
Ylli i UFC-së është ndeshur për herë të fundit në muajin janar, ku vetëm në 40 sekonda mposhti Donald “Cowboy” Cerrone, duel që u zhvillua në “T-Mobile Arena”, në Nevada./abcnews.al
