Gjykata e Posaçme Kundër Korrupsionit dhe krimit të organizuar ka kaluar për gjykim dosjen në ngarkim të ish- gjyqtares së Apelit të Korçës, Mimoza Margjeka dhe katër personave të tjerë të akuzuar për korrupsion.
Përveç ish-gjyqtares që qëndron nën masën e arrestit shtëpiak, prokuroria ka marrë të pandehur edhe bashkëshortin e saj, Arben Cara, avokatin Skënder Demiraj, Klaudjo Zhillën si dhe Nejton Balin me akuzën e “korrupsionit pasiv dhe aktiv”.
Referuar dosjes hetimore personat e lartpërmendur në bashkëpunim me njëri-tjetrin, kundrejt shumës prej 6 mijë eurove kishin organizuar lirimin nga qelia të vëllait të Orion Balit, i cili ishte arrestuar për trafik klandestinësh. Për këtë çështje, pas hekurave qëndron vetëm Nejton Bali, ndërsa personat e tjerë me masa më të lehta sigurie. /abcnews.al/
