Ministri i Mbrojtjes, Pirro Vengu thotë se menaxhimi i situatave të emergjencave civile ka një kosto disa herë më të lartë sesa investimi paraprak.
Vengu ishte në Gjirokastër, ku prezantoi thirrjen e qeverisë për Mbrojtjen Civile.
Këtë vit, për mbrojtjen civile, qeveria ka vendosur në dispozicion të njësive bashkiake një fond të konsiderueshëm.
“Menaxhimi i situatave të emergjencave civile ka një kosto disa herë më të lartë sesa investimi paraprak. Për ta ritheksuar këtë, isha sot i pranishëm në Qarkun e Gjirokastrës, ku prezantova thirrjen e Qeverisë për Mbrojtjen Civile, e cila këtë vit ka vendosur në dispozicion të njësive bashkiake një fond të konsiderueshëm.
Së bashku me prefektin Odise Kote, Ministren e Turizmit dhe Mjedisit, Mirela Kumbaro, si dhe kryebashkiakët e këtij qarku, qartësuam situatën. Gjirokastra, Këlcyra, Përmeti, Tepelena, Memaliaj, Dropulli dhe Libohova nënvizuan problemet dhe nevojat e tyre, duke prezantuar idetë për projektet që duhet t’i dorëzojnë deri më 25 nëntor.
Aplikimi i njësive vendore për fondin e Mbrojtjes Civile mund të kryhet nëpërmjet faqes zyrtare të Ministrisë së Mbrojtjes:
https://www.mod.gov.al/…/6795-mbrojtja-civile-akmc…”, shkruan Vengu në Facebook./abcnews.al
