Mbreti Charles dëshiron të thyejë një tjetër traditë shekullore.
Këtë herë për veshjen e tij gjatë ceremonisë së kurorëzimit në Westminster Abbey në Londër.
Ai dëshiron të veshë vetëm uniformën e tij ushtarake dhe jo çorapet e mëndafshta dhe pantallonat mbretërore të veshura tradicionalisht.
Mbreti dëshiron që kurorëzimi i tij të përfaqësojë “monarkinë moderne të shekullit të 21-të”, thanë burime pranë monarkut.
Veshja që pritej të vishte Mbreti Charles
Charles pritet të mbërrijë me një uniformë ushtarake, ndoshta atë të admiralit të flotës, të cilën e veshi në hapjen e Parlamentit majin e kaluar.
Ai gjithashtu do të vishet me hermeline për ceremoninë dhe do të mbajë kurorën e shtetit perandorak dhe kurorën e Shën Eduardit në pika të ndryshme.
Në ceremoninë historike do të kurorëzohet edhe bashkëshortja mbretërore, Camilla. Ende nuk është konfirmuar se cila kurorë do të përdoret për Queen Consort Camilla.
Në të njëjtën kohë, interesi po shtohet nëse Harry dhe Meghan do të jenë në ceremoni, pas skandalit të librit.
Mediat britanike raportojnë se çifti do të jetë në Westminster. Mbreti dhe babai i Harrit dëshiron t’i tregojë botës unitetin dhe kjo fillon me familjen e tij së pari. Megjithatë, kjo nuk do të thotë se Princi i Kurorës William dhe gruaja e tij Kate kanë rregulluar marrëdhëniet mes tyre.
Në fund të fundit, marrëdhëniet mes dy palëve kanë krijuar një krisje pas dokumentarit dhe librit. Zbulimet e Dukës dhe Dukeshës së Sussex shkaktuan shqetësim të veçantë në Buckingham, megjithatë ata ruajtën qetësinë dhe nuk bënë asnjë deklaratë apo qëndrim publik.
