Brexit është bërë zyrtarisht ligj këtë të enjte. Mbretëresha e Britanisë së Madhe, Elisabeth e Dytë, ka nënshkruar projektligjin e Parlamentit britanik për dalje nga Bashkimi Europian.
Nënshkrimi i Mbretëreshës ishte pengesa e fundit në Mbretërinë e Bashkuar, me udhëheqësit e BE që tani të miratojnë zyrtarisht ligjin në një votim të mërkurën e ardhshme, që Britania të lërë bllokun.
Nënkryetari i Dhomës së Përfaqësuesve, Nigel Evans, i ka njoftuar deputetët për aktin e Mbretëreshës.
“Ndonjëherë, ndihej sikur kurrë nuk do të kalonim vijën e mbarimit të Brexit, por ne e kemi bërë atë,” tha kryeministri Boris Johnson.
Ligji është i përgatitur nga kryeministri Boris Johnson, i cili fitoi me një shumicë të madhe zgjedhjet e dhjetorit. Britania e Madhe do të braktisë Bashkimi Europian me datën 31 janar, në ora 23:00. Pas kësaj do të filloj periudha kalimtare, në të cilën Brukseli dhe Londra do të dakordohen për shumë çështje me rëndësi për të ardhmen. Britania e Madhe do të bëhet kështu vendi i parë që largohet nga BE. /abcnews.al
