Fitorja ndaj “qershive” të Bournemouth, në përballjen e së shtunës që sapo lamë pas i siguroi skuadrës së Crystal Palace mbijetesën në “elitën” e futbollit anglez, ku padyshim protagonist absolut i kësaj arritjeje ishe tekniku, Roy Hodgson.
Hodgson mori drejtimin e Crystal Palace në një moment të vështirë, me skuadrën që rrezikonte rënien nga Premier League, mirëpo tekniku 76-vjeçar arriti të bënte “magjinë”, duke arritur 5 fitore nga 8 ndeshjet e fundit e për rrjedhojë arriti të siguronte mbijetesën.
Kjo arritje duket se ka gëzuar pamasë bordin e Palace, të cilët kanë bërë gatim rinovimin me teknikun anglez, kontrata e të cilit skadon në qershor. Mirëpo, edhe pse klubi thuhet t’i ketë bërë një ofertë teknikut 76-vjeçar, deri më tani nuk është bërë me dije sa vite apo sa do të paguhet Hodgson. /i.m /abcnews.al
