James Rodriguez nuk do të jetë pjesë e Kolumbisë në dy takimet e radhës kualifikuese të Katar 2022 (Peru, Argjentinë) dhe në Kupën e Amerikës. Me anë të një komunikate zyrtare, kombëtarja latine shpjegoi se ky vendim u mor për shkak të gjendjes aspak të mirë fizike të lojtarit.
Fantazisti i Everton ka reaguar, duke hedhur poshtë gjithçka. 29-vjeçari është surprizuar nga fakti që trajneri Ruenda e ka lënë jashtë Kupës së Amerikës (13 qershor-10 korrik). “Më habiti fare deklarata e stafit të ekipit kombëtar. Ata deklaruan se nuk mund të mbështeteshin tek unë, duke më uruar shërim të shpejtë.
La risposta di #James alla #Colombia https://t.co/kQ8tmmdKX4
— Gianluca Di Marzio (@DiMarzio) May 28, 2021
Shërim që ka ndodhur falë sakrificave të mia të mëdha. Duhet të isha treguar i kujdesshëm në sfidën me Perunë, por mund të luaja pa probleme ndaj Argjentinës. Sigurisht që nuk do kisha probleme të luaja në Kupën e Amerikës.
Vij nga një fazë pushimi, por jam në hapat e fundit të rikuperimit total. Kam marrë mjaft kohë për t’u integruar plotësisht dhe për t’u rikthyer të luaj futboll, në mënyrë që të mos e vija në rrezik aktivizimin me Kolumbinë“, deklaron James Rodriguez. /abcnews.al
