Ka nisur takimi i kreut të PD Lulzim Basha me demokratët në Fier. Teksa mbështetësit e ish-kryeministrit Berisha e pritën me protestë, pranë teatrit “Bylis” ku po zhvillohet takimi, kreu i PD është pritur me duartrokitje dhe ovacione nga mbështetësit e tij.
Pas protestës së dhunshme të 8 janarit Basha dhe Berisha kanë zbritur sot në terren duke planifikuar takime me mbështetësit në qytetete të ndryshme por në të njëjtën orë.
Takimi i Bashës është i pari pas vendimeve për përjashtimin nga partia të Berishës dhe mbështetësve të tij kryesorë që morën pjesë në protestë.
Një ditë më parë, Basha zhvilloi takim dhe me të rinjtë e FRPD-së në kuadër të zgjedhjeve për kryetarin e saj. Gjithashtu në selinë blu u mblodh dhe Këshilli Kombëtar ku u morën disa vendime për zëvendësimin e mbështetësve të Berishës nga komisionet parlamentare. /abcnews.al
