Pasditen e sotme në orën 18:00, pas 5 orësh dështim të negociatave, RENEA ekzekutoi 71-vjeçarin Lefter Zhidro.
Abc News solli pamjet e momentit kur oficeri i RENEA-s njoftoi se u ekzekutua. Por si u krye operacioni me drejtimin e drejtuesve më të lartë të policisë së shtetit që kishin zbarkuar sot në Elbasan.
I moshuari nuk pranoi thirrjet e vajzës “babi dorëzohu” dhe të djalit me telefon nga Greqia ku ndodhet.
Përballë faktit se i moshuari nuk pranonte që të dorëzohej, RENEA vendosi që të ndërhynte. Forcat speciale u futën nga tarraca e pallatit, për të zbritur nga kati i pestë në të dytin, ku ndodhej i “ngujuar” 71-vjeçari.
Në momentin që refuzoi edhe thirrjen e fundit, RENEA hodhi gazin lotsjellës me qëllimin hutimin e të moshuarit, i cili hapi zjarr, po efektivët reaguan duke e ekzekutuar.
Në vendin e ngjarjes u dëgjuan 3 shpërthime, 3 herë breshëri automatiku nga autori dhe 3 të shtëna, që i morën jetën. Nuk u qëllua me snajpera, por nga një distancë e afërt. db/Abcnews.al
