Një 70-vjeçar humbi jetën si pasojë e një aksidenti mbrëmjen e sotme rreth orës 20:50 në aksin rrugor Elbasan-Peqin në fshatin Paulesh. Viktima është Islam Hyseni, banues në fshatin Pulesh.
Ai ishte duke kaluar rrugën kur u përplas për vdekje nga një 61-vjeçar me inicialet S.H. banues në Elbasan, që ishte duke drejtuar një makinë tip “Mazda”.
Drejtuesi i mjetit është shoqëruar në Komisariatin e Policisë Elbasan për veprime të mëtejshme.
Grupi hetimor ndodhet në vendngjarje dhe po punon për zbardhjen e shkakut të aksidentit./ Abcnews.al
