Strehimore, depo ushqimesh, ilaçesh, armësh dhe mjetesh, mbijetesë në natyrë dhe vetëmbrojtje. Këto janë karakteristikat kryesore të një mbijetuesi, siç përshkruhet nga grekët që po përgatiten për fundin e botës, ose për ndonjë katastrofë.
“Është filozofia e parandalimit në drejtim të përgatitjes për çdo gjë që mund të ndodhë. Megjithatë, mbijetesa është një gjë tjetër. Të gjithë mendojnë se asgjë nuk do t’i ndodhë”, thanë fillimisht ata.
Më pas një burrë tregon shtëpinë e tij, për të cilën thotë se është gati për çdo fatkeqësi.
“Unë jam gati për një fatkeqësi bërthamore. E kam përgatitur gjithë shtëpinë për këtë punë. Sidomos bodrumi”, tha ai.
Ai e ka blinduar shtëpinë e tij me hekur.
“I reziston edhe një rakete”, siç thotë ai duke shtuar se të bësh gjithçka me duar, nuk kushton asgjë. Gjithçka është e mbrojtur, asnjë rrezatim nuk kalon brenda shtëpisë”.
Më pas ai tregon strehën që ka krijuar në të cilën tha se mund të jetojë deri në dy vjet. Përveç ushqimeve, në bodrum ka ilaçe, garza, batanije, por edhe një pushkë me shumë fishekë të ruajtur.
Në Makrakomi, një ish-ushtarak ka strehimoren e tij.
“Nuk e di nëse do të mbijetoj sepse duhet edhe fati, por e sigurt është se do të jetoj më gjatë se të tjerët. Kam ushqim për gjashtë muaj. Ne kemi provuar të gjitha ushqimet e qenve për të parë se cila është më e mira që mund të hamë.”
Përveç të tjerave, ka edhe stërvitje me armë. Siç thonë vetë ata, arma e fundit për ta është harku, prandaj bëjnë kurse speciale për të.
“Harku është arma më e mirë që mund të gjesh. Është e lehtë për t’u përdorur. Është shumë i besueshëm, i lehtë për t’u riparuar, i vështirë për t’u thyer dhe ju keni një mjet që bën punën e tij në të gjitha kushtet”, tha një prej tyre.
/abcnews.al
