Belgjika përballet nesër prej orës 21:00 me Portugalinë dhe trajneri Roberto Martinez ka dalë para mediave dhe ka folur për këtë duel.
Nuk mund të mos kishte një fokusim te Cristiano Ronaldo, por trajneri i Belgjikës e di shumë mirë se Portugali ka edhe shumë lojtarë të tjerë cilësorë.
“Sigurisht duhet të mbrohemi shumë mirë ndaj Ronaldos, por kur bën plan për të ndalur një futbollist, atëherë rrezikon që të dëmtohesh nga të tjerët.
Ronaldo di të jetë në vendin dhe kohën e duhur për të bërë dëm, ai është një nga më të mirët në botë dhe këtë e dimë. Gjithsesi duhet fë mbrohemi edhe nga të tjerët.
Portugalia ka shumë talent dhe shpejtësi dhe do të na duhet të jemi solid si skuadër. Janë kampionët në fuqi, kanë fituar Nations League dhe kanë një mentalitet shumë të mirë për ndeshjet e rëndësishme”, tha Martinez. /abcnews.al
