Zhvillime të rendësishme priten këtë javë në lidhje me vrasjen e Carolinës nga bashkëshorti i saj Babis, në Glyka Nera të Greqisë.
Babi Anagnostopoulos është në qeli prej disa muajsh, pasi pranoi krimin monstruoz, por kjo nuk i ka ndalur prokurorët që të vijojnë hetimet për të gjetur shkaqet e vërteta të këtij krimi.
Avokati i Babis këmbëngul se bëhet fjalë për një krim që ndodhi aty për aty, për shkak se çifti ishte grindur atë natë, por prokurorët kanë dyshime se në fakt gjithçka ishte e planifikuar dhe për të vërtetuar këtë javën në vijim pritet të marrin në dorë raportet mbi lëvizjet bankare të çiftit, telefonatat si edhe analizën e kamerave të sigurisë.
Këto sipas tyre do të vërtetojnë se Babis nuk e kreu krimin në gjaknxehtësi e sipër, por se e kishte planifikuar një gjë të tillë prej kohesh.
Carolina u gjet e vdekur në shtëpinë ku jetonte me bashkëshortin dhe fillimisht ky i fundit tha se gjithçka ndodhi pasi çifti u sulmua nga disa grabitës që u futën në banesë. Prokurorët dyshuan që në fillim dhe vijuan hetimet duke nxjerrë prova, të cilat konfirmonin se vrasjen e kishte kryer pikërisht bashkëshorti.
Ata e arrestuan Babisin si të dyshuarin kryesor për vrasjen, ndërsa i riu pranoi para policëve se kishte qenë ai në të vërtetë personi që vrau bashkëshorten. /abcnews.al
