Loading ...
Presidenti amerikan Donald Trump ka bërë së fundmi një ndryshim të rëndësishëm në personelin e tij në Shtëpinë e Bardhë.
Mick Mulvaney është zëvendësuar nga Ligjvënësi Mark Meadows, i cili do të jetë tashmë shefi i ri i personelit. Mulvaney ka qenë në detyrë për më shumë se një vit ndërsa tani do të ngarkohet me detyrën e të dërguarit special të SHBA-ve për Irlandën e Veriut
Ndryshimi u bë i ditur nga Trump me anë të një postimi në Twitter.
Presidenti shkruante në postimin e tij:
“E njoh prej kohësh dhe kam punuar me Markun. Marrëdhëniet tona janë shumë të mira. Dua të falënderoj shefin në detyrë të personelit, Mick Mulvaney që i ka shërbyer shumë mirë administratës. Ai do të ngarkohet me detyrën e të dërguarit special të SHBA-së për Irlandën e Veriut.”
Mulvaney mbahet mend kryesisht për pohimin e tij gjatë një konference për shtyp se “quid pro quo” shprehje në latinisht që nënkupton ofrimin e një favori në këmbim të një tjetri, janë të zakonshme në politikën e jashtme.
