Loading ...
Marina e Shteteve të Bashkuara është dislokuar në qytetin e Los Anxhelosit të premten, në një veprim të rrallë për përdorim të forcave ushtarake brenda vendit. Ky vendim vjen pas disa ditësh protestash të fuqishme kundër bastisjeve të shërbimeve të emigracionit dhe ndërsa pritet që demonstratat të përhapen edhe më tej gjatë fundjavës, në atë që po shihet si kundërpërgjigjja më e madhe që nga kthimi i Donald Trump në pushtet.
Sipas gjeneralmajorit të ushtrisë, Scott Sherman, rreth 200 marinsa do të angazhohen për mbrojtjen e një ndërtese federale në Los Angeles. Në total, administrata ka autorizuar deri në 700 marinsa për dislokim në qytet.
“Dua të theksoj se ushtarët nuk do të marrin pjesë në veprimtari policore,” deklaroi Sherman gjatë një konference për shtyp.
Ndërkohë, as marinsat dhe as pjesëtarët e Gardës Kombëtare nuk kanë arrestuar apo ndaluar ndonjë person deri më tani, theksoi ai. / abcnews.al
