Loading ...
Maqedonia e Veriut do të hapë nga data 12 tetor kufirin pa test PCR. Lajmin e ka dhënë zëvendëskryeministri i parë i Maqedonisë së Veriut, Artan Grubi.
Ai shkruan se nga data 12 tetor Shkupi do të hapë kufijtë kufijtë për Kosovën, Shqipërinë, Malin e Zi dhe Serbinë. Kështu qytetarët e rajonit mund të hyjnë lirisht në Maqedoninë e Veriut pas test PCR. Vendimi i miratuar ditën e sotme nga qeveria ishte propozuar nga Komisioni për Sëmundje Infektive.
Grubi theksoi kufijtë duhet të liberalizohen nga shembulli i kufinjve midis Kosovës dhe Shqipërisë, të cilat janë të hapura dhe se deri tani ka pasur lëvizje të jashtëzakonshme midis dy vendeve dhe në veçanti në sezonin turistik.
Për zëvendëskryeministrin e parë Grubi transmetimi i infektimeve me Covid -19 nga Shqipëria në Kosovë dhe anasjelltas ishte minimal dhe ky shembull do duhet t’i shërbejë edhe Maqedonisë së Veriut./mv. abcnews.al
