Me 64 vota pro, 14 kundër dhe dy abstenime, parlamenti i Maqedonisë miratoi edhe amendamentin e tretë me radhë, për ndryshimin e Kushtetutës. Ky amendament thekson se “Republika e Maqedonisë së Veriut respekton sovranitetin, integritetin territorial dhe pavarësinë politike të shteteve fqinje”.
Ndërsa të dielën, deputetët miratuan amendamentin për ndryshimin në Kushtetutë te emrit, nga Republika e Maqedonisë, në Republika e Maqedonisë së Veriut. Njësoj si një ditë më parë, deputetët opozitarë kanë kundërshtuar ndryshimet kushtetuese, duke thënë se janë në dëm të idenditetit kombëtar të vendit. Këto amendamente janë formuluar në bazë të marrëveshjes për emrin me Greqinë, e firmosur këtë vit në Prespë./abcnews.al
