Rey Manaj, sulmuesi i kombëtares shqiptare, mund të ndryshojë skuadër këtë verë. Aktualisht pjesë e Barcelonës B, lushnjari ka disa opsione për të ardhmen. Më herët u lakua Hellas Verona si një pistë.
Tani në skenë ka dalë një klub turk, sikurse raporton Gianluca Di Marzio. Bëhet fjalë për Kasimpasa, klubin e Superligës, që thuhet se ka nisur bisedimet me katalanasit.
Nuk dihet sa pretendon Barcelona të përfitojë nga shitja e Manajt, por sigurisht që nuk do të ketë pretendime të mëdha. Për Kasimpasa transferimi i sulmuesit shqiptar do të ishte shumë i vlefshëm. / abcnews.al
