Ka kërkuar largimin dhe kjo gjë është fare pranë.
Edhe pse Sivaspori ende nuk ka arritur një marrëveshje me Trabzonsporin, sërish e ardhmja e Rej Manajt duket e zgjidhur.
Këpuca e Bronzit e sezonit të kaluar në Superligën turke, pritet ta ketë të plotësuar dëshirën e tij, sepse klubi I tij ia ka gjetur një zëvendësues.
E përditshmja sportive, “Fanatik” shkruan se Sivaspori do të marrë sulmuesin portugez, Gonsalo Pasiensa.
Futbollisti 30-vjeçar luan për Seltën në Spanjë dhe duket se ekziston një akord për të.
Manaj u përshëndet në fund të edicionit të kaluar me tifozët e ekipit, pasi shënoi 18 gola dhe u la pas në garën për Këpucën e Artë vetëm nga Ikardi e Xheko.
Gjithsesi, ai u rikthye tek Sivaspori pas Europianit, i pritur si hero nga ultrasit, ndonëse me mendjen për të luajtur diku tjetër.
Nuk dihet se cila do të jetë marrëveshja mes dy klubeve turke, ndërsa është folur edhe për 7 milionë euro, edhe për 5 milionë euro plus dy futbollistë.
Sivaspori do të donte rreth 10 milionë euro për kartonin e Manajt.
/abcnews.al
