“Aircar” që mund të shndërrohet nga një mjet rrugor në një aeroplan në më pak se tre minuta është certifikuar të fluturojë pasi ka kaluar testet e sigurisë në Sllovaki. Mjeti me modalitet të dyfishtë kreu 200 ngritje dhe ulje përgjatë 70 orësh testime sipas standardeve të Agjencisë Evropiane të Sigurisë së Aviacionit (EASA).
“Certifikimi i AirCar hap derën për prodhimin masiv të makinave fluturuese shumë efikase”, tha profesori Stefan Klein, shpikësi i AirCar, drejtuesi i ekipit të zhvillimit dhe piloti testues. Certifikimi i fluturimit vjen gjashtë muaj pasi AirCar përfundoi fluturimin e tij të parë ndërqytetas në Sllovaki.
Makina mund të arrijë një lartësi prej më shumë se 2.4 km dhe shpejtësi mbi 160 km/orë.
/abcnews.al
