Një aksident ka ndodhur mbrëmjen e së hënës në kryeqytet. Bëhet e ditur se rreth orës 18:30, në kryqëzimin e rrugës “Bardhyl” me rrugën “Kongresi i Manastirit” është përplasur një automjet me një motor që drejtohej nga një 32-vjeçar.
Për pasojë ka mbetur i lënduar drejtuesi i motorit, për të cilin thuhet se ndodhet në spital paraprakisht jashtë rrezikut për jetën.
Vijon puna për sqarimin e rrethanave të aksidentit. /abcnews.al/
