Fier – Një aksident ka ndodhur në qendër të qytetit të Fierit, ku një makinë ka përplasur një motor që shpërndante pica.
Mësohet se pas aksidentit drejtuesi i makinës është larguar me shpejtësi nga vendi i ngjarjes. Makina që ka shkaktuar aksidentin rezulton në pronësi të A.K.
Ndërkohë motoristi M. S., 29 vjeç, ndodhet në spitalin e Fierit nën kujdesin e mjekëve.
Njoftimi i policisë:
Sot rreth orës 12:25, te kryqëzimi në qëndër të qytetit Fier, automjeti tip “Golf” në pronësi të shtetasit A. K., është përplasur me një motomjet picerie që drejtohej nga shtetasi M. S., 29 vjeç, i cili ndodhet në spitalin e Fierit nën kujdesin e mjekëve.
Drejtuesi i automjetit pas aksidentit është larguar nga vendngjarja.
Grupi hetimor po punon për zbardhjen e rrethanave të ngjarjes.
