Një aksident ka ndodhur mbrëmjen e sotme në aksin rrugor Maminas-Manzë në fshatin Rubjekë.
Policia bën me dije se një automjet me drejtues I.S. ka përplasur një karrocë që tërhiqej nga një kafshë. Për pasojë drejtuesi i kësaj të fundit ka pësuar dëmtime dhe ndodhet në spital nën kujdesin e mjekëve.
“Më datë 14.12.2021., rreth orës 17:25, në aksin rrugor Maminas-Manzë në fshatin Rubjekë, një automjet me drejtues shtetasin I. S., ka goditur karrocën që tërhiqej me kafshë dhe për pasojë është lënduar shtetasi A. D., i cili ndodhet nën kujdesin e mjekëve, jashtë rrezikut për jetën.
Grupit hetimor ndodhet në vendngjarje dhe po punon për sqarimin e rrethanave të aksidentit”, njofton policia. /Abcnews.al
