Pas inaugurimit, policia ka vijuar me kontrollet në aksin e ri rrugor Kardhiq – Delvinë. Bëhet me dije senë 48 orë janë hequr 20 leje drejtimi për shpejtësi mbi 30 km/h mbi normën e lejuar, pasi shpejtësia e lejuar në këtë aks është pjesërisht 80 km/h dhe në pjesë të tjera 60 km/h.
Gjithashtu, policia bën të ditur se janë vendosur 95 masa administrative për qarkullim me shpejtësi, 67 masa administrative, për parakalime të gabuara; 54 masa, për përdorim të celularit gjatë drejtimit të automjetit dhe 50 masa, për mospërdorim të rripit të sigurimit.
Kontrollet janë kryer me anë të “makinës inteligjente”, dronëve dhe radarëve.
Njoftimi i policisë:
Siguria Rrugore në aksin e ri rrugor Kardhiq – Delvinë/Udhëto me jetën në mëndje!?
Përgjatë 48 orëve të fundit, 20 leje drejtimi të pezulluara për shpejtësi mbi 30 km/h mbi normën e lejuar, pasi shpejtësia e lejuar në këtë aks është pjesërisht 80 km/h dhe në pjesë të tjera 60 km/h.
95 masa administrative për qarkullim me shpejtësi, por pa sanksionin e pezullimit të lejes së drejtimit; 67 masa administrative, për parakalime të gabuara; 54 masa, për përdorim të celularit gjatë drejtimit të automjetit dhe 50 masa, për mospërdorim të rripit të sigurimit.
Njësia Operacionale e Policisë Rrugore, në bashkëpunim me Policinë Rrugore të Gjirokastrës dhe Delvinës, vijojnë monitorimin 24/7 me makinat inteligjente, radarët automatikë dhe dronët “edukues”.
Gjatë monitorimit të pandërprerë, makinat inteligjente, dronët dhe radarët automatikë, në aksin e ri Kardhiq – Delvinë, kanë konstatuar qindra shkelje të rregullave të qarkullimit rrugor që janë rrezik potencial për përfshirje në aksidente rrugore.
Policia Rrugore apelon për të gjithë përdoruesit e rrugës që të zbatojnë me rigorozitet rregullat e qarkullimit rrugor, pasi të gjitha akset rrugore, nga Morina në Sarandë, monitorohen me makinat inteligjente, radarët automatikë dhe dronët “edukues”.
Drejtues mjetesh: Rregullat e qarkullimit rrugor janë manuali për një jetë të sigurtë, zbatimi i tyre është detyrimi ligjor dhe moral që kemi ndaj njëri-tjetrit, në hapësirën që ndajmë bashkë.
Policia Rrugore nuk ka për qëllim shtimin numrit të masave administrative, por ka për qëllim parandalimin e aksidenteve rrugore. Në destinacion arrin i sigurtë në rast se zbaton rregullat e qarkullmit.
Monitorimi vijon në të gjitha rrugët e vendit.
#Mosshpejtosedetipret ✈️ ?️
#Zbatorregullateqarkullimitrrugor?✅
#Siguriarrugorepërgjegjësiepërbashkët???♂????
/abcnews.al
