Një aksident i rëndë ndodhi një javë më parë në bulevardin “Gjergj Fishta” në Tiranë, ku një automjet përplasi për vdjekje një të moshuar.
Ky i fundit nuk ia doli dot mbanë, edhe pse ndihma e parë iu dha nga qytetarët, që ndodheshin në vendngjarje në ato momente dhe më pas nga bluzat e bardha.
Vajza e viktimës, shtetasja me iniciale ‘M.Sh’ ka kontaktuar me redaksinë e Abcnews.al dhe ka bërë thirrje për ndihmë.
E tronditur nga vdekja e të atit, ajo deklaron se disa dëshmitarë e kanë njoftuar se në vendngjarje kishte rastisur edhe një infermierë, i cili e kishte ndihmuar të moshuarin.
E bija kërkon ta gjejë infermierin, pasi dëshiron të dijë fjalët e fundit të të atit. Ajo thekson se nuk do që ky moment t’i mbesë peng për gjithë jetën.
“Unë jam vajza e këmbësorit që u aksidentua, humbi jetën. Disa dëshmitarë na thanë që ishte një djalë infermier nga spitali “Hygeia”, që kishte rastisur në vendgjarje dhe e ndihmoi shumë. Më ndihmoni ta gjejë. Dua të di më shumë në qoftë se i ka thënë ndonjë fjalë se më ka ngelur peng’, shprehet vajza.
Nëse dikush ka informacion, është i lutur të kontaktojë me redaksinë e abcnews.al për t’i lehtësuar dhimbjen një familjeje! /abcnews.al
Foto nga vendngjarja:
