Makina doli nga rruga në Qafën e Buallit, plagosen dy të rinj

Dy të rinj që po udhëtonin nga Bulqiza në drejtim të Tiranës, janë plagosur rëndë kur makina e tyre doli nga rruga. Aksidenti rrugor ndodhi në Qafën e Buallit dhe sipas Policisë, të rinjtë ishin me shpejtësi tej normave të lejuara. Një moment drejtuesi ka humbur kontrollin dhe makina doli në anë të rrugës. Të dy të plagosurit u dërguan në spitalin e Bulqizës dhe sipas mjekëve njëri prej tyre është në rrezik jete. Policia po heton për zbardhjen e plotë të ngjarjes. /abcnews.al