Presidenti francez Emmanuel Macron është shprehur kundër një operacioni izraelit në Rafah, duke paralajmëruar se “zhvendosja e detyruar e popullsisë përbën një krim lufte”.
Gjatë bisedës telefonike me kreun e qeverisë izraelite, lideri francez përsëriti gjithashtu thirrjen e tij për një armëpushim të menjëhershëm dhe të qëndrueshëm në Gaza dhe dënoi deklaratën e Izraelit, i cili njoftoi të premten sekuestrimin e 8000 hektarëve tokë në Bregun Perëndimor të pushtuar për të ndërtuar aty vendbanime të reja hebreje.
Presidenti francez informoi gjithashtu Benjamin Netanyahun për qëllimin e tij për të paraqitur një projekt-rezolutë në Këshillin e Sigurimit të OKB-së për të bërë thirrje për një armëpushim të menjëhershëm.
Moska dhe Pekini kundërshtuan të premten një rezolutë të ngjashme të propozuar nga Uashingtoni.
Pesë muaj e gjysmë luftë e kanë zhytur Rripin e Gazës në një situatë katastrofike humanitare.
/abcnews.al
