Loading ...
Presidenti francez, Emmanuel Macron, pritet të bëjë sot njoftime lidhur me sinjalin e rrezikut të lëshuar nga menaxhmenti i Luvrit, lidhur me problematikat e rënda me të cilat përballet muzeu i famshëm.
“Do të ketë njoftime në lidhje me Luvrin dhe të ardhmen e tij”, u mjaftua t’u thoshte gazetarëve presidenca franceze të hënën, pa zbuluar zgjidhjet që do të propozojë Macron.
Muzeu ka tërhequr vëmendjen që nga 13 janari kur presidenti dhe drejtori i tij Laurence de Carre dha alarmin në një letër drejtuar ministres së Kulturës Rashida Dutti.
Në letër theksoheshin problemet: “shumëzimi i dëmtimeve në zona që në disa raste kanë dëmtime të shumta”, “pajisje teknike të vjetëruara (…), “luhatje shqetësuese të temperaturës që rrezikojnë gjendjen e punimeve”…
Piramida, e inauguruar në vitin 1988 si hyrja madhështore e muzeut nga presidenti i atëhershëm Francois Mitterrand dhe e projektuar nga arkitekti Ming Pei, konsiderohet “strukturalisht e vjetëruar” sepse ishte projektuar për të mirëpritur katër milionë vizitorë në vit. Muzeu kishte pothuajse nëntë milionë vizitorë në vitin 2024 (80% të huaj), ndërsa kishte arritur në dhjetë milionë para pandemisë Covid-19.
Pallati presidencial siguron se Macron, i cili në mënyrë diskrete vizitoi muzeun në vjeshtë për të konstatuar masën e nevojave, ka përgatitur njoftimet e tij në bashkëpunim me Rashida Datin, të cilën e emëroi ministre të Kulturës një vit më parë./abcnews.al
