Presidenti francez Emmanuel Macron u shpreh se udhëheqësi i Bjellorusisë Alexander Lukashenko duhet të tërhiqet nga pushteti.
“Është e qartë se ai duhet të largohet. Ajo që po ndodh në Bjellorusi është një krizë pushteti, një pushtet autoritar që nuk mund të pranojë logjikën e demokracisë dhe detyrohet me forcë” tha ai.
Ndërkohë që ministri bjellorus i Punëve të Jashtme Vladimir Makei akuzoi vendet perëndimore për përpjekje për të mbjellë “kaos dhe anarki” në ish-republikën Sovjetike.
“Ne po shohim përpjekje për të destabilizuar situatën në vend” tha ai në Asamblenë e Përgjithshme të Kombeve të Bashkuara.
“Ndërhyrja në punët tona të brendshme, sanksionet dhe kufizimet e tjera ndaj Bjellorusisë do të kenë efektin e kundërt dhe është e dëmshme absolutisht për të gjithë” tha ai.
Dhjetëra mijëra njerëz kanë dalë në rrugë në Bjellorusi që nga zgjedhjet e 9 gushtit duke protestuar kundër diktatorit për manipulimin e procesit, por Lukashenko nuk tërhiqet. db/Abcnews.al
