Presidenti francez Emmanuel Macron ka dënuar sulmin me raketa të Rusisë në qendrën tregtare në Ukrainën qendrore, duke e përshkruar atë si të neveritshme.
Në një postim në Twitter ku ka publikuar edhe një video të pasojave të sulmit në Kremenchuk, Macron tha se populli rus duhet të shohë të vërtetën.
Russia’s bombing of a shopping centre in Kremenchuk is an abomination. We share the pain of the victims’ families, and the anger in the face of such an atrocity. The Russian people have to see the truth:pic.twitter.com/7drortbGSE
— Emmanuel Macron (@EmmanuelMacron) June 27, 2022
“Bombardimi i një qendre tregtare në Kremenchuk nga Rusia është një gjë e neveritshme. Ne ndajmë dhimbjen e familjeve të viktimave dhe zemërimin përballë një mizorie të tillë. Populli rus duhet të shohë të vërtetën”, shkruan Macron.
Për shumicën e rusëve, televizioni mbetet burimi kryesor i lajmeve, i cili kontrollohet fort nga Kremlini dhe pompon propagandën e luftës. /abcnews.al
