Miralem Pjanic nuk është në planet e Barcelonës sezonin e ardhshëm dhe drejtuesit po kërkojnë zgjidhje për ta laeguar në verë, qoftë edhe me formulën e huazimit.
La Gazzetta dello Sport raporton se Juventusi do tentojë rikthimin e boshnjakut. Vitin e shkuar ai u largua si këmbim me Arthur, por rikthimi i Allegrit te Zonja ndryshon gjithçka.
Bëhet me dije se trajneri i ka kërkuar klubit rikthimin e Pjanic. Ishte pikërisht Allegri, që e mori atë nga Roma në vitin 2016 dhe së bashku fituan 3 tituj kampion Italie, teksa mesfushori e vendosi veten mes më të mirëve.
Tashmë Allegri e do sërish krah tij 31-vjeçarin dhe ky operacion është tërësisht i mundshëm, duke parë dëshirën e Barcelonës për ta larguar dhe sezonin gri të boshnjakut në “Camp Nou”. Ai luajti në 30 ndeshje këtë sezon, por vetëm 13 prej tyre i nisi nga minuta e parë. /abcnews.al
