Loading ...
Presidenti i Iranit thotë se ai dhe 14 milionë të tjerë i janë përgjigjur thirrjeve për t’u ofruar vullnetarë për të luftuar nëse ka një pushtim tokësor nga SHBA-të ose Izraeli.
Masoud Pezeshkian shkroi në X: “Mbi 14 milionë iranianë krenarë, deri në këtë moment, kanë deklaruar gatishmërinë e tyre për të sakrifikuar jetën e tyre në mbrojtje të Iranit. Edhe unë kam qenë, jam dhe do të jem një sakrifikues për Iranin”.
Media shtetërore dhe fushatat e mesazheve me tekst u kanë bërë thirrje njerëzve të ofrohen vullnetarë për ushtrinë.
Ushtarët në pension janë thirrur gjithashtu nga qeveria për të shprehur interesin e tyre për të luftuar.
Ndërkaq, ambasadori iranian në Pakistan ka thënë se përpjekjet për t’i dhënë fund luftës në fazën ‘kritike’.
Ai ka thënë se përpjekjet “pozitive dhe produktive” të Islamabadit për të ndaluar luftën po i afrohen një faze “kritike dhe të ndjeshme”.
