Parlamenti Europian votoi të enjten në favor të rritjes së prodhimit të municioneve ,kryesisht predha artilerie dhe raketa, në mes të luftës së nisur nga Rusia në Ukrainë, sipas një njoftimi për shtyp të lëshuar pas seancës plenare.
Kështu, anëtarët e PE-së miratuan një projektligj për të përshpejtuar prodhimin e municioneve që do të vihen në dispozicion të Ukrainës dhe për të rimbushur rezervat e forcave të armatosura të vendeve europiane.
Parlamenti Europian do të duhet të negociojë me qeveritë formën përfundimtare të masave. Bazuar në draft, kapaciteti prodhues i BE-së do të rritet me masa të synuara, duke përfshirë financimin prej gjysmë miliardë eurosh.
/abcnews.al
