Ish-presidenti ukrainas Petro Poroshenko ka bërë thirrje për ndihmë ndërkombëtare. Poroshenko ka folur për Sky News, ndërsa konflikti me Rusinë vazhdon në javën e tetë.
Ai u kërkoi udhëheqësve perëndimorë që të ofrojnë ndihmë të mëtejshme ushtarake për forcat e armatosura të Ukrainës. “Ne kemi nevojë për burime për të ndryshuar lojën”, ka thënë ai ndër të tjera.
Ditët e fundit forcat ruse janë përqendruar me sulmet e tyre në lindje të vendit. Qëllimi është të marrin kontrollin e plotë të qytetit port Mariupol, ndërsa kanë dhënë disa ultimatume për forcat ukrainase që të dorëzohen. /abcnews.al
