Nga Leontina Nikaj
Pas shkresës zyrtare të Akademisë së Shkencave që i propozon Këshillit të Ministrave projektvendimin e kalimit të instituteve të Akademisë së Studimeve Albanologjike në varësinë e saj vjen edhe reagimi i rektorit të dekretuar një muaj më parë Luan Përzhitës, i cili thotë se nuk është mandatuar që ta shkrijë këtë institucion, por ta çojë atë para.
Nga ana tjetër, ai shton se Akademia nuk e ka diskutuar këtë çështje më parë me drejtuesit .
“Senati pas mbledhjes së tij, ka votuar në unanimitet kundër propozimit të Akademisë, duke e cilësuar projekt-propozimin anti ligjor”, shprehet ai.
Institutin e Historisë, Gjuhësisë dhe Letërsisë, Institutit të Arkeologjisë, Instituti i Antropologjisë Kulturore dhe Studimeve të Arteve operojnë të pavarur nga Akademia që prej reformës së vitit 2007 .
Por nga ana tjetër projekt propozim sipas Akademisë së Shkencave përfshinë fazën e 2 të reformimit dhe duhet të përfundojë brenda 31 dhjetorit, me qëllim që organizimi të fillojë me buxhetin e ri, i cili do varet prej saj. Project propozimi ka marrë votat e 47 anëtarëve, të Asamblesë nga 51 pjesëmarrës në votim./Abcnews.al
