Lëvizja Socialiste për Integrim ka dërguar në “gjykatën e zgjedhjeve” vendimin e KAS për të rrëzuar kërkesën ankimore të opozitës për të shpallur të pavlefshme rezultatin e zgjedhjeve në këtë qark. Në shkresën që mban firmën e kryetares Monika Kryemadhi, LSI kërkon ndryshimin e këtij vendimi.
“Kundër vendimit nr. 88 të datës 21.05.2021 të Komisionit të Ankimimeve dhe Sanksioneve në Komisionin Qendror të Zgjedhjeve me anën e të cilit është vendosur:
Ndryshimin e vendimit nr. 339 të datës 04.05.2021 të Komisionerit Shtetëror të Zgjedhjeve dhe miratimin e tabelës Përmbledhëse të Rezultatit të Zgjedhjeve të zonës zgjedhore qarku Berat sipas rezultatit të dalë nga rinumërimi i 114 kutive të votimit për votat e subjekteve zgjedhore dhe 2 kutive të votimit për votat e kandidatëve, të kërkuara nga subjekti LSI në kërkesën ankimore nr. 34
Rrëzimin e kërkesës për shpalljen e pavlefshmërisë së rezultatit të zgjedhjeve në qendrat e votimit nr. 3445, nr. 3431 dhe nr. 3318 të qarkut Berat për shkak se konsiderohet “gjë e gjykuar” në kërkesën ankimore nr. 35 të subjektit ankimues LSI për pavlefshmërinë e zgjedhjeve në qarkun e Beratit”, thuhet në padi./ mv.abcnews.al
