Është nga atë që cilësohen “bisha”.
Një Audi RS I vitit 2024 të prodhimit ndoshta nuk është makina më luksoze në botë, por padyshim është ndër më të mirat, dhe Mario Mitaj e deshi një të tillë.
Mediat nga Riad njoftojnë se mbrojtësi I kombëtares shqiptare shpenzoi 650 000 rialë sauditë, që do të thotë gati 170 000 USD për të shtuar një tjetër automjet në garazhin e tij.
Me shpejtësi maksimale deri 305 km në orë, dhe aftësi për të shkuar nga 0 në 100 km në orë për vetëm 3.4 sekonda, padyshim që makina gjermane I shkon një lojtari kaq të shpejtë dhe cilësor.
Për momentin, Mitaj mbetet i dëmtuar dhe nuk u përfshi në ekip në derbin e Ligës Profesioniste Saudite, mes Al Itihadit të tij dhe Al Hilalit kampion.
Ndeshja u fitua 4-1 me dy gola nga belgu Bergvajn, si dhe nga Benzema e Kadesh.
Al Itihad tashmë është I shkëputur në krye të renditjes me 55 pikë ndaj 48 të Al Hilalit dhe titulli kampion duket tepër I mundshëm, edhe pse mbeten ende 13 javë për t’u luajtur.
Mitaj e festoi në mënyrën e tij fitoren, edhe pse ishte jashtë ekipit.
Shqiptari është padyshim tepër i vlerësuar në klub, dhe jo më kot iu dha rinovimi I kontratës deri në 2028, me rrogën shumë të mirë 3 milionë euro në sezon.
Ylli kuqezi ka shënuar një gol e ka shërbyer dy asistë deri tani, ndonëse nuk e ka pasur të lehtë, dhe titulli kampion do të ishte kurorëzimi i duhur i një sezoni shumë të mirë./abcnews.al
